Aaaj ka episode bada hi dilchasp hai jaha hum dekhenge ki Naira or Kairav Goenka House rehne aa gaye hai. Naira or Kairav Kartik k room ki or jaate hai tab Kairav kehta hai ki mumma hum Vansh k room me soyenge jaha hum pehle sote the, Kartik bhi wahi khada sun raha hota hai but kuch kehta nahi. Subah jab Naira ki aakh khulti hai to Kartik uske room me Kairav or use baith k dekh raha hota hai. Kartik waha se chala jaata hai tabhi use kuch chot lagti hai or Naira use dekhne k liye bhaagti hai tabhi use bhi chot lagti hai. Fir wo dono kuch moments share karte hai, tabhi Kairav jag jata hai or good morning mumma bolke waha se chala jata hai.
Breakfast k liye Kartik specially Kairav k liye bread-pakoda prepare karta hai. Kairav kehta hai mujhe to paratha khana hai, jab use pata chalta hai ki bread-pakoda Kartik ne banaya hai. Naira kehti hai ki papa ne bread-pakoda mere liye banaya hai Kairav k liye nahi or mai use khaaungi. Kartik kehta hai ki Naira ki request mere liye order hai or use poora karna hi hoga. Kartik kehta hai ki aaj Sunday hai kuch masti ki jaaye. Manish kehta hai koi asli game khelenge. Tabhi Naira kehti hai ki basketball khelenge to sab mana kar dete hai. Kartik kehta hai ki khelenge to basketball hi warna kuch nahi. Kartik or Naira ye natak Kairav k liye karte hai.
Manish Dadi se kehta hai ki maine Akhil ko paise transfer kar diye hai. Dadi usse puchti hai ki kya Akhil se baat hui hai to Manish kehta hai ki nahi. Dadi kehti hai ki use bohot miss kar rahi hai, Manish kehta hai ki usne galati ki hai to khamiyaza to bhugatna hoga. Naira batati hai Gayu Di ko ki use kuch Surekha ka behavior odd lag raha hai.Gayu bhi agree karti hai or kehti hai ki kuch to gadbad hai. Tabhi Suwarna waha aati hai or aadhi baat sun leti hai or kuch puchti hai to Gayu uski baat ghumaake waha se chali jaati hai.
Fir Basketball game shuru hota hai, Kartik or Naira aapas me Mazak se lad rahe hote hai. Saare gharwale waha aate hai or Kartik or Kairav bhi aate hai sabko game shuru karne kehte hai. Sabke naam ki chits hoti hai jise team suggest ki jaati hai. Kartik Kairav k team me aa jata hai, Kairav kehta hai ki mujhe nahi khelna mujhe to sone jana hai. Tabhi Naira or Naqsh use smjhaate hai per wo zid karta hai ki mumma mere team me chahiye. Tabhi game start ho jaati hai. Naira or Kartik kuch close moments share karte hai game k douran. Dono team ka score barabar hota hai. Kya lagta hai aapko kon jeetega?

Write A Comment