Aaaj ka epsisode bada hi dilchasp hai jaha aap dekhenge ki Kartik Naira se kehta hai ki Kairav k saath Goa chali jaaye. Naira Kairav se kehti hai ki hum Goa jaa rahe hai jispe Kairav Ok keh kar chup ho jata hai. Kartik bada hi pareshaan ho kar soch raha hota hai ki mai Kairav k samne jaake use or taqleef nahi dunga mai. Kairav bhi Kartik ki photo dekh ke use miss kar raha hota hai. Naqsh Kartik ko message karke batata hai ki wo 10 min me airport k liye nikal jayenge. Kartik se raha nahi jata wo sochta hai ki ek baar apne bache ka chehra dekhlu fir pata nahi kab mulaqaat hogi or wo airport k nikal jata hai. Naqsh ki car k saath saath wo drive karta hai or Kairav ko dekh leta hai per Kairav use nahi dekhta.

Kartik ghar loutta hai or use bar bar Kairav ki awaaz sunaai deti hai. Naira tabhi kachori leke aati hai or use chouka deti hai or kehti hai ki tumhara betaa Goa nahi gaya hai. Tabhi aap dekehege ki Naira or Naqsh ne Kairav ko kaise smjhaa k airport se wapis ghar le aya hai. Naira kehti hai ki bhagwaan tumse itne bhi naraz nahi hai tabhi to usne tumhare bête k qareeb laya hai. Naira kehti hai ki mere liye yaha rehna bohot mushkil hai lekin apne bête ki khushi k liye yaha rahungi. Tabhi Gayu kehti hai ki hum Kartik or Naira ko Kairav k mummy papa jaise dekhte hai lekin Vedika kabhi nahi dekhegi.

Kairav Vansh se kehta hai ki mai ab bhi papa se naraz hu and I hate him. Naira Kartik ko samjhati hai ki tum naummeed mat hona mai koshish karungi ki tumhare or Kairav ki beech ki duri mita saku. Tabhi sab Vedika ko leke pareshaan hote hai or sochte hai ki wo iss sab per kaise react karegi. Naqsh or Naiar use call karte hai but connect nahi kar paate. Yaha Kartik se sab kehte hai ki humne puri tayari ki hai or humse jo ban padega hum karege. Manish kehta hai ki jitna tum or Naira qareeb hoge Kairav ko utna jaldi hi samjhaa sakte hai. Tabhi Pallavi aake Kartik se kehti hai ki aapki wife kaha hai wo phone nahi uthaa rahi hai or ye sab baate Kairav sun raha hota hai. Tabhi Kartik uski baat ko ghumaake use samjhata hai ki is natak me aap humara saath de. Pallavi Kairav se natak karke use bhagaa deti hai or Kartik se puchhti hai ki Vedika kaha hai. Kartik kehta hai ki wo apni buaa k yaha gayi hai. Pallavi use daatti hai or Vedika ko leke use bohot sunaati hai or waha se chali jaati hai. Kya lagta hai aapko Vedika kaha gayi hai?

Write A Comment