Yeh Rishta Kya Kehlata hai – 441 Episode

Kartik or Naira Kairav k saamne alag bartaaw karte hai, fir wo dono romantic moments share karte hai

Yeh Rishta Kya Kehlata hai 441 Episode
Yeh Rishta Kya Kehlata hai 441 Episode

Yeh Rishta Kya Kehlata Hai ke aaj ke episode aap sab dekhenge ki Vedika ki lakh koshisho k bawajud Naira or Kartik ek dusre ke qareeb aane hi lagte hai, aaiye dekhte hai kaise. Kartik jaise hi gusse me Naira k ghar pohochta hai or Naira per chillana shuru kar deta hai, tabhi Naira Kartik ko samjhane ki koshish karti hai lekin Kartik samajhne ko tayyar hi nahi hota hai. Itni der me Naira or Kartik k paas apne apne waqil ka phone aa jata hai. Iske baad Kartik ki waqil Kartik ko batati hai k mai Naira se milna chahti hu or mai usse kuch baat karna chahti hu, uspe Kartik apne waqil se haa kar deta hai. Tabhi Naira k paas uske waqil ka phone ata hai wo use kehta hai ki Damini Mishra tumse baat karne ki zarur koshish karegi, to aap kuch aisa mat keh dijiyega jiski wajah se aapka case kamzor padh jaaye.

Kartik Naira ko batata hai ki Damini Mishra tumse milna chahti hai. Waise Damini Mishra achi tareeke se jaanti hai ki case kaise ladha jata hai, isiliye wo tuse milna chahti hai taake dono taraf se baat clear ho sake. Iske baad Naira apne man me kehti hai k use pata hai Damini Mishra kya chahti hai, bus tumhi ko kuch dikhaayi nahi de raha hai. Kartik itna keh kar chala jata hai.Kartik jab apne waqil se milne k liye nikalta hai to achanak se Kartik dekhta hai ki uske phone ka charger tuta hua hai. Wo apne servant ko bulata hai or usse charger k baare me puchhta hai to servant kehta hai ki sir mere hatho se nahi tuta hai. Kartik use kehta hai k mujhe jhut bilkul nahi pasand hai, mujhe sach sach batao k aakhir ye charger kaise tuta hai. Servant or Kartik ki ye baate suun kar Vedika pareshan ho jati hai or woh ye decide karti hai ki wo Kartik ko sab bata degi k maine hi Naira se talaak ki baat ki thi or jo bhi pareshaaniya abhi ho rahi hai mere hi wajah se hai. Warna Kartik ko Naira k muh se pata lag gaya to Kartik fir mujhse nafrat karne lagega, isse acha hai mai Kartik ko khud hi bata du. Vedika Kartik se baat karne k liye uske paas aati hai tabhi waha pe Samarth aa jata hai or Kartik se kehta hai k tumhe waqil se milna hai.Kartik bina Vedika se baat kiye waha se chala jata hai.

Or udhar dusri taraf Kairav Naira ki gaadi me jab khilona dhund raha hota hai tabhi woh kehta hai ki mai ek kaam karta hu mai isi gadi me chhup jata hu. Or jab mamma yaha per aayegi tab mai unhe dara dunga or wahi pe chhup jata hai. Naira gaadi me baithti hai or kehti hai ki Damini Mishra mujhe nachane ki zaroor koshish karegi lekin wo nahi janti k mai uske ishaaro pe bilkul nahi nachne wali. Tabhi Kairav galat samajh leta hai or kehta hai ki mamma mere liye surprise plan kar rahi hai or Damini Mishra koi dancer hai jo mamma ko dance karne bol rahi hai or wahi per chhupa rehta hai. Naira or Kartik ek hi restaurant me pohch jate hai tabhi Kairav use dekhke or chouk jata hai k yaha per to papa bhi aaye hai. Damini Mishra jab court se nikal rahi hoti hai tabhi do waqil uska pichha kar rahe hote hai. Damini unse puchti hai ki wo uska pichha q kar rahe hai. Wo batate hai ki Naira or Kartik ka case humare paas pehle bhi aa chuka tha, jab Naira or Kartik ka talaaq ho hi gaya tha lekin un dono ne dubaara shaadi kar li thi. Kartik or Naira restaurant me Damini ka wait kar rahe hote hai tabhi uski nazar Kairav pe padh jaati hai to wo Kartik k paas jaa kar selfie lene ki koshish karti hai. Damini unhe aise dekh leti hai or sochti hai k in dono ka talaaq hone wala hai or ye aise react kar rahe hai jaise kuch hua nahi. Wo Kartik ko bahar le jaati hai or kehti hai ki hume Kairav k liye shopping bhi karni hai, Kartik ye sab dekh ke pareshaan ho jata hai. Naira use aaine me Kairav ko dikhaati hai. Kartik chouk jata hai or wo bhi acting karta hai or dono gadi me baith jaate hai or Kairav bhi gaadi me baith jata hai.

Naira piche dekh kar shock hone ki acting karti hai or Kairav se puchti hai k wo yaha kya kar raha hai. Kairav kehta hai mai janta hu aap dono mujhe surprise dena chahte ho. Kairav ghar pohch kar Vansh ko call kar deta hai k mamma or papa mere liye surprise plan kar rahe hai.

Tabhi Vansh k piche Kartik ka sara pariwaar ye baate sun raha hota hai or Kairav ki baate Naira ka pariwaar sun leta hai. Dono decide karte hai ki hum dandiya bhi khelege. Dadi kehti hai ki waha per talaaq ki baat koi nahi karega, yaha Naira k pariwaar wale bhi kehte hai ki talaaq ki baat waha koi nahi karega. Dono hi pariwaar waha pohch jaate hai. Kartik Naira ko ghurne lagta hai q k wo bohot hi sundar dikh rahi hoti hai. Saare gharwale ek dusre ko badhaayi dete hai. Naira or Kartik ek hi dandiya uthaane k liye haath badhate hai or wo thoda jhagda kar dete hai. Kairav unhe alag alag dance karte dekh k unke paas jata hai or unhe lekar dance karna shuru kar deta hai. Vedika ye sab dekh ke pareshaan ho jati hai. Dr. Pallavi waha pohch kar Vedika se puchti hia ki wo itni pareshaan q hai. Vedika kehti hai usne Naira ko bohot kuch keh diya tha or ye baate use pareshaan karti hai. Dr. Pallavi use batati hai k usne ye sab pareshaani me kiya hai or uske saath galat ho raha hai. Wo kehti hai k Kartik or Naira ko dekh ke nahi lagta k wo kabhi alag hue the. Vedika ye sab sun kar bahar jaake rone lagti hai. Waha do aadmi aate hai or baat karte hai ki jaha per dance ho raha waha ki wire loose hai. Jaise hi break ho to tum wire ko theek kar dena. Vedika saare pariwaar ko ye baat batane jaati hai lekin darwaza lock ho jata hai or wo ander nahi jaa paati. Wo call karti hai per uska call kisiko nahi lagta. Gharwale Vedika ko dhundte rehte hai or Dr. Pallavi batati hai ki mai abhi dekhti hu. Wo Vedika ko dekhti hai or use dusre raaste se ander ko kehti hai. Dance karte karte Naira ki dori khul jati hai to Kartik use akeleme ye batane k liye le jata hai wahi per Kartik k chacha aa jate hai to wo Naira ko chhupa deta hai. Naira dori ko lagane ki koshish karti hai lekni laga nahi paati. Kartik use kas k pakad k dori bandh deta hai. Vedika or Dr. Pallavi ander aa rahe hote hai tabhi wo kisi ladies se takra jaate hai or uska samaan gir jata hai or wo dono wahi phas jaate hai.

Write A Comment