Ye hai Mohabbatein ke aaj ke episode me aap dekhege ishita dukan se kapde kharid rahi hoti hai aur Neeti uska pallu pakad leti hai. Yaha Yug aliya ko dinner me salad aur fruit serve karta hai. Aliya kehti hai ye kya hai dinner me fruit. Yug kehta hai ke ye baby ke liye accha hota hai.

Bhuvan arijit ko phone karke batata hai ke neeti market me kahi hai. Arijit use dhundne lagta hai. Neeti table ke niche chupi hoti hai. Ishita raman ko batati hai ke table ke niche bacchi hai aur shayad wo kho gayi hai. Hame uski madad karni chaiye. Yaha Aliya Yug ko batati hai ke wo pregnant nahi hai aur wo ultra sound ke photos sana ke hai. Yug kehta hai ke mai bahot khush tha aliya use sorry kehti hai. Yug aliya ko diwali gift deta hai aur dinner karne ke liye bahar chalne kehta hai. Aliya kehti hai ke italian phir kabhi kha lenge aaj kuch healthy food khate hai aur dono dinner karte hai dance karte hai.

Ishita neeti ko bahar bulati hai aur kehti hai ke mai apki dost jaisi hu, apki mummy kaha hai papa kaha hai aap mujhe batao mai aapki help karugi, aap ko darne ki zaroorat nahi hai. Neeti kehti hai ke mujhe bhook lagi hai mujhe wafers khane hai. Raman wafers la kar deta hai neeti wafers khati hai ishita use bahar bulati hai aur neeti bahar a jati hai. Ishita neeti ko dekh kar pehchan leti hai aur neeti zor zor se dar kar chillati hai aur waha se bhaag jati hai. Arijit wahi market me neeti ko dhund raha hota hai aur uske ki nazar neeti per padhti hai. Raman neeti ko pakad leta hai aur neeti behosh ho jati hai. Arijit unhe dekh kar chup jata hai.

Ishita aur Raman neeti ko car me le kar jate hai. Ishita raman se kehti hai ke neeti mujh se itna dar kyun jati hai ye dusri baar aisa hua hai mere saath. Aur mai pehle ise kabhi mili bhi nahi hu. Neeti bahot takleef me hai kya hame police ko batana chaiye. Raman kehta hai ke hume ise dhyan rakhna hoga, police ko agar batayege to wo ise mental hospital me bhej denge hum ise ghar per le kar jate hai. Raman call karke Yug batata hai ke hum neeti ko le kar ghar a rahe hai.

Write A Comment